ករណីប្រើអំពើហឹង្សាលើជនពិការ នៅស្រុកសាលាក្រៅ ខេត្តប៉ៃលិន
ប៉ៃលិន៖ នៅម៉ោង១២និង៥នាទី ថ្ងៃទី៣១ ខែតុលា ឆ្នាំ២០២៥ មានករណីប្រើអំពើហឹង្សាមួយកើតឡើងនៅភូមិអូរដូនតាក្រោក ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
តាមការប្រាប់របស់លោក អ៊ឹង ហុក តិច ភេទប្រុស អាយុ៤៤ឆ្នាំ សញ្ជាតិខ្មែរ ជាអតីតយុទ្ធជន និងជាជនពិការក្នុងក្រុងប៉ៃលិន បានឲ្យដឹងថា នៅថ្ងៃនោះ លោកអភិបាលរងស្រុកសាលាក្រៅ បានទូរស័ព្ទហៅខ្លួនឯងឲ្យចូលរួមដោះស្រាយបញ្ហាទំនាស់ព្រំដី នៅថ្ងៃនេះក៏គណ:កម្មាការសម្រុះចុះដោះស្រាយមានមេភូមិមេឃុំ អធិបាលស្រុក មន្ត្រីសូរិយោដី ជាអ្នកដោះស្រាយទំនាស់ ព្រំដី ដីជាអ្នកទិញមុនលោក អុឹងហុក តិចមាន ក្រោយមក លោក ហ៊ាន ពិសិទ្ធ មន្ត្រីសូរិយោដីនៅខេត្តប៉ៃលិន ទិញតាមក្រោយ បណ្តាលអោយមានទំនាស់ ។
ប៉ុន្តែ ក្នុងអំឡុងពេលពិភាក្សា លោកហ៊ាន ពិសិទ្ធ ត្រូវបានអះអាងថា បានប្រើពាក្យសម្ដីមិនសមរម្យ និងអាម៉ឹងមកលើលោកអ៊ឹង ហុក តិច។ ក្រោយមក ខណៈលោកអ៊ឹង ហុក តិច ធ្វើការសួរពីមូលហេតុនៃពាក្យនោះ លោកហ៊ាន ពិសិទ្ធ បានទាញកៅអី និងវាយមកលើរូបខ្លួន បណ្តាលឲ្យរបួសតំបន់ក្រោមភ្នែក និងគ្រាប់ភ្នែកមានឈាមចេញ។
បច្ចុប្បន្ន អាជ្ញាធរមានសមត្ថកិច្ចកំពុងស៊ើបអង្កេតបន្ថែម ដើម្បីរកការពិត និងអនុវត្តតាមនិតិវិធីច្បាប់។ដោយម្ចាស់បណ្តឹង
