📰 អភិបាលខេត្តប៉ៃលិន ទទួលជួបសម្តែងការគួរសម និងពិភាក្សាការងារជាមួយ អគ្គកុងស៊ុលសាធារណរដ្ឋកូរ៉េ

📰 អភិបាលខេត្តប៉ៃលិន ទទួលជួបសម្តែងការគួរសម និងពិភាក្សាការងារជាមួយ អគ្គកុងស៊ុលសាធារណរដ្ឋកូរ៉េ
ប៉ៃលិន៖ នៅរសៀលថ្ងៃទី២៤ ខែតុលា ឆ្នាំ២០២៥ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានអនុញ្ញាតឱ្យឯកឧត្តម KIM SUNGTAI អគ្គកុងស៊ុលនៃស្ថានកុងស៊ុលសាធារណរដ្ឋកូរ៉េ ប្រចាំខេត្តសៀមរាប ចូលជួបសម្តែងការគួរសម និងពិភាក្សាការងារ នៅសាលាខេត្តប៉ៃលិន។
ក្នុងឱកាសនោះ ភាគីទាំងពីរ​បានពិភាក្សា​អំពីស្ថានភាពទូទៅ និងសក្តានុពលនានា​នៅក្នុងខេត្តប៉ៃលិន ជាពិសេសលើវិស័យ កសិកម្ម និង ទេសចរណ៍បរិស្ថានធម្មជាតិ ដោយមានគោលបំណងពង្រឹង និងពង្រីកកិច្ចសហប្រតិបត្តិការរវាងភាគីទាំងពីរ។
លោកជំទាវបណ្ឌិត បាន ស្រីមុំ បានសម្ដែងការស្វាគមន៍យ៉ាងកក់ក្តៅចំពោះការទស្សនកិច្ចរបស់ឯកឧត្តមអគ្គកុងស៊ុល ហើយបានបង្ហាញពីសេចក្តីសោមនស្សចិត្តចំពោះចំណាប់អារម្មណ៍របស់សាធារណរដ្ឋកូរ៉េ ក្នុងការវិនិយោគ និងសហការអភិវឌ្ឍខេត្តប៉ៃលិន តាមវិស័យសក្តានុពលនានា។
ចុងក្រោយនេះ ឯកឧត្តម KIM SUNGTAI បានថ្លែងអំណរគុណចំពោះការទទួលស្វាគមន៍យ៉ាងកក់ក្តៅពីលោកជំទាវបណ្ឌិត និងបានបញ្ជាក់ពីបំណងជ្រាបជ្រោមសហការជិតស្និទ្ធជាមួយខេត្តប៉ៃលិន ដើម្បីលើកកម្ពស់ទំនាក់ទំនង និងការអភិវឌ្ឍរវាងប្រទេសទាំងពីរ។
✍️ ដោយ៖ លោក អ៊ុក ទូច