កម្ពុជា ស្ថិតក្នុងប្រទេសដែលបើកទូលាយជាងគេ ក្នុងគោលនយោបាយទិដ្ឋាការ

(អន្តរជាតិ)៖ ប្រទេសទីម័រខាងកើត និងកម្ពុជា គឺជាតំណាងអាស៊ីអាគ្នេយ៍តែពីរប៉ុណ្ណោះ ដែលត្រូវបានដាក់ឱ្យខ្ពស់ក្នុងសន្ទស្សន៍ Henley Openness Index 2025 ដោយផ្តល់សិទ្ធិចូលដោយគ្មានទិដ្ឋាការដល់ពលរដ្ឋមកពីរាប់រយប្រទេស និងដែនដី។

ប្រទេសចំនួន 11 រួមទាំងទីម័រខាងកើតជាប់ចំណាត់ថ្នាក់លេខ 1 សម្រាប់ការបើកចំហព្រំដែន នេះបើយោងតាមសន្ទស្សន៍ដែលបានចេញផ្សាយក្នុងខែនេះដែលវាស់វែងប្រទេសនិងដែនដីចំនួន 199 នៅទូទាំងពិភពលោកដោយផ្អែកលើចំនួនសញ្ជាតិដែលពួកគេអនុញ្ញាតឱ្យចូលដោយគ្មានទិដ្ឋាការមុន។

ទីម័រឡេស្តេ គឺជាអ្នកតំណាងអាស៊ីអាគ្នេយ៍តែមួយគត់ដែលលេចឡើងនៅលើកំពូលនៃបញ្ជីនេះ ដោយសារប្រទេសនេះផ្តល់ការលើកលែងទិដ្ឋាការសម្រាប់ពលរដ្ឋនៃប្រទេស និងដែនដីចំនួន 198 ។

ប្រទេសកម្ពុជា បានចែករំលែកទីតាំងទីពីរជាមួយប្រទេស Dominica, Guinea-Bissau, Maldives និង Madagascar ដោយបានផ្តល់ការលើកលែងទិដ្ឋាការដល់ពលរដ្ឋនៃប្រទេស និងដែនដីចំនួន 197 ។

ទីម័រខាងកើតមានលិខិតឆ្លងដែនដ៏មានឥទ្ធិពលបំផុតទី 56 របស់ពិភពលោកដែលអនុញ្ញាតឱ្យពលរដ្ឋរបស់ខ្លួនចូលដំណើរការដោយគ្មានទិដ្ឋាការដល់ 94 ក្នុងចំណោម 227 គោលដៅ។

លិខិតឆ្លងដែនកម្ពុជាជាប់ចំណាត់ថ្នាក់លេខ៩២ ដោយមិនមានទិដ្ឋាការ ចូលទៅកាន់តែ៥០គោលដៅ៕